محتارة ابــــــدأ امته مونتيسورى مع أولادى؟؟
محتارة ابــــــدأ مونتيسورى امته مع أولادى؟؟
سؤال كتير بنسمعه من أمهات وأنا كنت واحدة منهم
انتى عارفة انك تقدرى تبدائ مع طفلك من وهو فى الرحم
فالدراسات والابحاث فى علم الأجنة بتقول ان الطفل بيقدر يسمعك ويحس بيكى كمان من وهو فى الرحم
فقالوا ان الجنين بيقدر يسمعك من بداية الشهر السادس فالأذن الداخلية له بتكتمل فى الشهرى السادس والسابع
ويقدر يحس بايدك على بطنك مع نهاية الشهر الثالث
فانتى تقدرى الفترة دى تتكلمى معاه كتير فى كل حاجة
تسمعيه قران كريم
تتعاملى معاه كانه موجود
بتغنيله وطمنيه
ليه بقا ابدأ بدرى ؟؟
يتكون مخ طفلك المولود من بلايين الخلايا العصبية والتى ترسل اشارات عصبية للتواصل مع بعضها البعض
وبتعمل حاجة بنسميها التشابكات العصبية
بتوصل الى اقصى عدد ليها عند سن السنتين وهتفضل معاه لحد لما يبقى شخص بالغ
ازاى ازود التشابكات العصبية دى
مع كل تجربة بيمر بيها الطفل حتى لو كانت صغيرة سواء كان
يسمع ، يشوف، يلمس، يدوق ، مامته بتحضنه ......الخ
بيحصل استثارة للمنطقة المسئولة عن الحاجة دى بمخه
وبالتالى بيحصل تشابك عصبى بين الخلايا بعضها البعض
فلو بصينا للصورة اللى جاية
أما الصورة اللى جاية فبتوضح الفرق بين التشابكات العصبية حتى تصل الى شخص بالغ
والفرق واضح لحد سنتين أما من سنتين حتى شخص بالغ فالتشابكات العصبية تقريبا واحدة
وبالتالى أنا لما انميها الموضوع بيفرق وده اللى بيميز طفل عن التانى
هل الجينات بتاثر على المخ والذكاء ؟؟
كلنا عارفين انها بتاثر لكن بمعنى أخر أى:
الجينات هى التى تمنح المخطط الأساسي للمخ
يعنى هى اللى بتقول مجموعة الخلايا دى مسئولة عن الذاكرة والمجموعة دى مسئولة عن الذكاء ......وهكذا
أما التجارب والخبرات اللى بيمر بيها الطفل فهى اللى بتحدد اذا كان مخ الطفل هيمثل أساس قوى والا ضعيف للتعلم والسلوك الصح فالمستقبل.
للموضوع بقية .....
تعليقات
إرسال تعليق